SAHANG

Eman Rais

Fikmin #SAHANG#
Keur resep mikmin, naha bet hayang ngopi semendo, kiriman ti cek Helmy Mochtar Palembang. Nyokot mug Starbuck bawaan budak ti Seattle, terus eusian ku cai tina aqua galon, terus taheurkeun dina kompor. Sabada nunggu cai saheng, abuskeun sasendok makan gula, terus sasendok makan bubuk kopi. Kitu rek ngarekepkeun panto lomari gantung, beletrak weh aya botol ninggang alas kompor. Terus norolong rek murag kana karamik. Untung weh kasanggap. Singhoreng botol sahang hideung garing, piparantieun ngesop lauk embe. Kapan abah mah perelu, ambeh haneut sare.
"Abah, bade diteraskeun moal ngurutan pean Enin?" Euleuh, mangkaning geus rek janari. Aya ku aneh Enin mah, keur nyobaan jamu paranti ngubaran encok. Tapi naha bet matak kahudang birahi. Takeranana kenceng teuing sugan. Aduh kumaha nya?

 ·  ·  · 2 seconds ago

http://www.facebook.com/groups/fikminsunda/permalink/347551001953140/