PINGPING

Eman Rais

Fikmin #PINGPING#
Huh kugelo bikang tea, geus heueuh hujan ngaririncik make dibecong sapedah motor deuih. Kapan ari hulu disimbutan, ari pingping jeung bitis koneng enay teuing ku eusian ngareuneuh pare, diumbar kamana mendi. Mun atuh rek indit tipeuting mah make calana boh lepis, ambeh aurat teu ngacacang teuing. Haruh etah ramo suku teuing ku alus alusna. Jaba beresih jaba herang matakan neureuy ciduh atuh eta mah. Salakina oge goblog pisan, boga jikan kitu lain dititah cicing dikeukeupan. Cekeng teh, bari hudang titeoh motor entrel, anu tigebrus kana comberan sisi pasar anu lumeutak.

 ·  ·  · 15 minutes ago

http://www.facebook.com/groups/fikminsunda/permalink/345157938859113/