Jumat, 11 Mei 2012

BAJIGUR


LBSB "Bajigur"
Piraku ari eusleum boga adi, nabet éta mobil dogong geus dua bulan dijogrogkeun dina jarian aing. Barang ditelepon majarkeun téh, “kuma dinya wéh kang.”
Hih matak héwa.
“Dibeuli atuh nya.” Cekéng bari nyeuneu.
“Nya kuma dinya wéh, “ cénah.
“Sabaraha?”
Nabet aya kuteu eucreug, ”sabaraha waé, dicicil ogé heug.”
Hih dasar milik, bakal boga kios yeuh aing. Batan jadi pangangguran kieu.

Caritana meuli tolombong anu 80 letér. Geus kapikir arék dagang bajigur. Kapan disabudeur Karang Tengah mah tacan aya. Meuli korsi plastik wéh sapuluh, gelas jeung pisin dua losin. Terus keur lalawuhna jikan nyieunan gorengan sampeu, boléd, taleus katambah ku katimus. Keur ngajaga bisi aya anu perlu, disadiakeun ogé kopi bubuk jeung gula pasir. Kitu deui susu kentel manis sakaléng. Bisi aya anu hayangeun cikopi susu. Alhamdulillah, geuning sapoé jeput bisa meunang duit nepratus réwu. Tangtu dina sabulan bakal balik modal, jaba matak kabeuli dogongna. Ngan aya anu matak watir, kuloba teuing mata lalaki anu anu teuing kuhérow kapamajikan aing. Abong enya geulis.

Rabu, 09 Mei 2012

GRAMUPUN


LBSB "GRAMUPUN"
Karakgé salsé mandi, kitu arék ngajawel handuk. Diluar kadéngé 'uak 'eokna sora viul digésék kawas rebab. Wéw kainget baréto keur leutik, sok mineng ngadéngé gaya viul modél kieu ti RRI Studio Jakarta 1956. Héhé pasti atuh lagu Semalam di Malaya ti OM Bukit Siguntang. Hanjakal sora viul téa ilang timbul. Singhoréng tatangga keur nyoba gramupun heubeul anu diéngkol. Wéw, tangtu wéh wadah jarumna aya digigir peti.
 ·  ·  · 20 minutes ago

BABALIK PIKIR


LBSB "BABALIK PIKIR"
Teuing pédah mata bongsang, teuing ogé masa kecil tak bahagia, teuing deui pedah bogoh ka buguru waktu kelas 5 SR. Tapi nepi kakiwari resep wéh mun nempo bikang geulis camperenik lenjang seuseug. Tah kapan di jejaring sosial kieu, anu karitu patut sok patulayah dimana mendi. Kakapeungan sok langsung asa bogoh, sanajan matak lamun ngomong arapap euereupeup siga anu keuna kululungu. Matak piteukahartieun batur boh matak keuheuleun, anu antukna sok ninggalkeun kapeurih ati saminggoneun. Tapi sakapeung deui sok aya waé anu nyanggut, sarta daék diajak kuma baé. Daék oge ngabuka hijabna, tandaning tumarima kana janggot aing. Tapi samemangna mah teu gampang ngala keputusan arék nyandung. Dikumakeunana ogé tetep beurat aingah ka Enin anu geus rék 40 taun maturan hurip aing. Pesonana aya di Enin, geulisna aya di Enin, alus cokorna aya di Enin. Halimpu suarana aya di Enin. Anu lamun nyingkah 2 poé wéh matak aing guling gasahan, teu tibra molor teu ngeunah daang. Leungiten. Matakan aing remen ngahaluang, “putih kuning laksana sutra." Anu geus méré anak jeung incu anu matak bungangang kana haté, daék ngalakonan naon baé ukeur kasajahteraan arinyana. Jeung anu penting kapan geus jadi paguneman bareng tianggalna, yén sakabéh pakaya maké ngaran hukum Enin. Aingah teu gableg nanaon. Sok seuri wéh, aing asa gagah mawa. Tapi injeuman.
 ·  ·  · 2 seconds ago

Costume Party 2012

Eman Rais
Lain agul abah mah. Waktu motrétan acara Costume Party 2012 di sakola Gaby, teu nyadar aya anu siga kabéngbat kujanggot abah. Cénah mah wanoja Garut salakina dokter. Sadar sotéh tadi waktu ngunggah ka blogna Gaby. Terus ngilikan kualitas potrét hiji hiji. Abah kagét, naha bet aya bikang geuliz melong nelek teuing
kunaon.


 ·  ·  · 3 minutes ago

Selasa, 08 Mei 2012

PLÉKIH


LBSB "PLÉKIH"
Keur taun 1955. Pun nini Ami lamun nyebut ngaran batur ulin sobat dalit Bénky, sok katalingsut jadi Plékih. "Héhé Man, kan Pléki itu nama anjing gué. Kok nénék tau aja ya." Cak Bénky ngaharéwos. "Émaaan, étah si Pléki sina asup kajero. Pangjieunkeun strup."
 ·  ·  · about a minute ago

TKW


LBSB "TKW"
Karak anggeus mandi, masih ngaandukan hulu, kadéngé Étih jeung Élih pating kacewis. "Babaturan étéh mah opatan areuweuh, béja mah mariang jadi TKW ka Arab." Cak Étih bari kekedengan dina jubin. "Laleudeungan teuing nyah. Tangtu gajina gede nyah." Élih mairan bari hanca muihkeun istrikaan. "Nyanéh hayang kituh Élih?" Haréwos Étih. "Hayang hayangna mah, ngan karunya Iwan bisi taya anu ngurus." Cak Élih dareuda. Wah bahaya yeuh, kumaha mun duaanana jadi TKW, tangtu matak répot euweuh anu ngurus Gaby jeung Bén. Kapan Gaby mah apet pisan ka Étih.

"Yeuh deuleu ku silaing. Gawé di Arab mémang bibitana gedé. Sabulan bisa meunang kana opat jutana. Ngan gawé tiisuk meluk ti jam opat isuk nepi ka jam dua janari. Ngan boga waktu keur sholat fardhu jeung dahar. Sanggup kitu saré ngan dua jam sapoé salila dua taun?" Cekéng bari rada nyeuneu. "Hayang ngarobah nasib mah hak sagala jalma anu diheueuhkeun ku undang undang nagara. Tapi pikir atuh mudhorat na. Étih sanggup kitu awak lenjang rupa manis rék ditumpakan ku jalu Arab? Kitu balik lain mawa duit keur bekel anu diimah. Kalahkan ngabababatang pegat hulu, pédah nubles dunungan anu arék ngagadabah teuing ngarogahala ilaing. Tapi lamun Étih pasrah, da teu walakaya cape ngurus imah genep lantai téa. Antukna kitu balik mawa orok Arab. Batan kitu anggursi ka abah, geus karuhan durén matak olohok kawas batok kohok."
 ·  ·  · a few seconds ago

Senin, 07 Mei 2012

SALJU


LBSB "SALJU"
Sssttt Norfolk geuning Nebraska lainna Virginia? Soalna abah pernah milu dry-dock didinya. Tapi teuing ketah, da Desember 1976. Kapan turun salju tah, hiiihhh abah mah dasar urang Jakarta. Seok weh salju teh diserok ku ramo laju dihuapkeun. Hih lamun seug disiropan, tangtu kawas es serut bekep waktu keur SR 1955 bareto.