skip to main |
skip to sidebar
LBSB "TKW"
Karak anggeus mandi, masih ngaandukan hulu, kadéngé Étih jeung Élih pating kacewis. "Babaturan étéh mah opatan areuweuh, béja mah mariang jadi TKW ka Arab." Cak Étih bari kekedengan dina jubin. "Laleudeungan teuing nyah. Tangtu gajina gede nyah." Élih mairan bari hanca muihkeun istrikaan. "Nyanéh hayang kituh Élih?" Haréwos Étih. "Hayang hayangna mah, ngan karunya Iwan bisi taya anu ngurus." Cak Élih dareuda. Wah bahaya yeuh, kumaha mun duaanana jadi TKW, tangtu matak répot euweuh anu ngurus Gaby jeung Bén. Kapan Gaby mah apet pisan ka Étih.
"Yeuh deuleu ku silaing. Gawé di Arab mémang bibitana gedé. Sabulan bisa meunang kana opat jutana. Ngan gawé tiisuk meluk ti jam opat isuk nepi ka jam dua janari. Ngan boga waktu keur sholat fardhu jeung dahar. Sanggup kitu saré ngan dua jam sapoé salila dua taun?" Cekéng bari rada nyeuneu. "Hayang ngarobah nasib mah hak sagala jalma anu diheueuhkeun ku undang undang nagara. Tapi pikir atuh mudhorat na. Étih sanggup kitu awak lenjang rupa manis rék ditumpakan ku jalu Arab? Kitu balik lain mawa duit keur bekel anu diimah. Kalahkan ngabababatang pegat hulu, pédah nubles dunungan anu arék ngagadabah teuing ngarogahala ilaing. Tapi lamun Étih pasrah, da teu walakaya cape ngurus imah genep lantai téa. Antukna kitu balik mawa orok Arab. Batan kitu anggursi ka abah, geus karuhan durén matak olohok kawas batok kohok."
LBSB "SALJU"
Sssttt Norfolk geuning Nebraska lainna Virginia? Soalna abah pernah milu dry-dock didinya. Tapi teuing ketah, da Desember 1976. Kapan turun salju tah, hiiihhh abah mah dasar urang Jakarta. Seok weh salju teh diserok ku ramo laju dihuapkeun. Hih lamun seug disiropan, tangtu kawas es serut bekep waktu keur SR 1955 bareto.
Wéw sedep euy muka2 inbox waktu ngarayud mahasiswi Psy Unnes, 14 April 2009.
Hahaha..abah bkin ané ktwa terpingkal2.
Salut bwt abah,hdp abah menarik skalì.
Dkelilingi kluarg yg harmonis,org2 kréatf,n penyayang.
Ok bah..né rahasia qt brdua.
Alhamdulillah. Bisa nyambung suka seuri, sanajan umurna karak 20.
LBSB "KEKEREJETAN"
Alhamdulilah. Tadi nampa riungan silaturahim, bari bales ta’aruf néng Ririn ka Adé. Kapan Januari abah sabarondoyot, anu ngabuka ta’aruf ka Citayam. Jaba hujan gedé tiisuk nepi ka beurang, naha nyaba ti Sentul ka Dépok karék nepi 5 jam. Sangkilang ditungtun aku GPS anu eusleum, teuing sinyal satelitna kaganggu kukandelna awan hujan. Tadi mah cabés Bambang anu cénah kataji ku janggot abah nyarita. “Pernah ngemitan tatangga anu maot. Keur khusyu’ maca do’a, ngadadak anak awéwé almarhum ngajerit, “Bapaaaaa!.” Bangun reuwas bari tutunjuk kalayon. Kitu pak Bambang ngarérét, kajeueung béh leungeun jeung awak mayit anu karak 2 jam maot, keur kekerejetan siga anu arék hudang. Teutalangké pak Bambang nutup do’a, terus luncat kagigir. Taki taki, “buat menjaga hil2 yang mustahal ajah kok pak Éman.” Akeyna.
Eman Rais
LBSB "KENJO"
“Kieu para sadérék. Kenjo, Asih, Imas sareng Momon. Pangna diangkir urang ngariung téa aya hiji parobahan ngeunaan hak waris.” Cak pengacara anu ngawakilan Radén Aria Awimibanda, nyaeta bapak pituin anu opatan.
“Nya heug arék kumaha baé, anu penting mah aing mawa hak waris aing anu panglobana, kapan aing mah cikal.” Cak Kenjo bari ngabuka pelés wisky blacklabel tina pesak jakét kulitna. “Ulah poho, banda waris dibagi 5. Aing sabagéan, si Amih sabagéan. Kapan pamajikan aing anu panggedé jasana ngurusan Apih ti séhatna, nepi ka arék paéh bari hararésé.”
Dijero kamer tengah kadéngé aya anu nakolan gembréng. Tanda si Apih ngambek deui.
“Kieu atuh keur muru waktu, urang umumkeun waé kaputusan waris paling anyar anu disahkeun ku Pengadilan Negeri Bandung jeung Pangadilan Agama Bandung. Asih kabagian kebon teh kaikut fabrikna di Pangalengan jeung padumukan ieu. Imas kabagéan balong di Ciwidéy, kaikut taman jeung musium angkrek. Momon kabagéan kebon bubuahan jeung sayuran di Lembang. Bagéan Kenjo dipotong tina pakaya anu geus béak dijualan waktu ngora, jeung nyieun imah di Batam. Sakitu.”
Tangtuna Kenjo murka, “naon siah. Jadi aing teu kabagéan? Yeuh deuleu, keur mantog kadieu ngagugu omongan silaing. Aing kapan mawa balad 10 urang, numpak kapal udara, meuting di hotél béntang lima di Jakarta. Kadieu oge aing mekelan diri jeung si Amih make motor kerén Harley Davidson juhratus juta. Aing teu tarima lamun teu meunang waris, naha arek timana aing kudu mayaran hutang, siah pokrol goblog.”
Kenjo jung nangtung bari kekerot. Tapi mundur kitu nempo pengacara jeung dua asisten, ngaluarkeun pestol Berretta otomatis.
Kenjo langsung mabur ka kamer Apih siga anu gelo, “dasar siah kolot begog. Arek modar kuhararese naha make setruk heula, meakeun waragad bae. Kadieu kuaing bantuan.”
Haben Kenjo neunggeulan sirah Apih make pohpor bedil mimis kameumeut Apih. Pengacara nuturkeun, laju jedar jedor ngaliangan hulu Kenjo, anu rubuh nindihan hulu Apih anu rajet.
LBSB "KUNAON NEUTEUP KAAING"
Geus mèh saminggu papanggih tèh, saminggu ieu aing inget waè ka sia. Kana teuteup mata sia, kana imut amis ngagelenyu biwir èndah sia, kana bodas apikna huntu sia. Kana heningna rupa beungeut sia. Kana weningna hatè sia. Padahal mah teu pira. kari solongkrong wèh nepungan sia di Cileungsi, moal nepi ka sapuluh menitna. Lamun hanteu macèt mah jajalanan. Duh ètah kalangkang cureuleukna mata sia, waktu neuteup leleb ka janggot aing. Huh, naha atuh sia tèh makè wawanian nempo leleb ka aing. Lamun teu inget kana butak ompongna diri aing, tangtu sia geus dirawu pisan ku aing. Huh matak nyeri hatè aing, nuturkeun kahayang jeung pikir anu mandeg mayong kieu. Padahal mah apanan unggal peuting sia ngajedog dina kongkolak. Wèw. Hiiihhh.
Al-Imam Al-Hasan Al-Bashri rahimahullah, sasauran:
“Sakabéh manusa, sabalégna aing keur naséhatan silaing, tapi lain pédah aing pangalusna di antara maranéh, lain ogé anu paling shalihna di antara maranéh. Enyaan, aing ogé geus loba milampah luar wates kadiri déwék. Aing teu sanggup ngadalikeun baris sampurna, heunteu ogé mangmawakeun, sapuk jeung kawajiban dina béh no’atan Rabb-na. Urang kudu silih naséhatan kalayan bener tur mangpaat.”